ایک نیوز:ترجمان سپارکو کا کہنا ہے کہ فلکیاتی ماڈلز کے مطابق شوال کا نیا چاند 29 مارچ 2025 کو پاکستان معیاری وقت کے مطابق 15:58 بجے تشکیل پائے گا۔ 

 ترجمان سپارکوکے مطابق ہلال کی رویت کا انحصار اہم عوامل جیسے چاند کی عمر، سورج سے زاویائی فاصلہ، غروبِ آفتاب کے وقت بلندی اور ماحولیاتی حالات پر ہوگا،غروبِ آفتاب کے وقت چاند کی عمرتقریباً 27گھنٹے ہو گی ،چاند اور سورج کا زاویائی فاصلہ تقریباً 16 ڈگری اور غروبِ آفتاب کے وقت چاند کی بلندی تقریباً 14 ڈگری ہوگی،چاند انسانی آنکھ سے آسانی سے نظر آنے کا قوی امکان ہے۔

ان سائنسی پیمانوں کو مدنظر رکھتے ہوئے30مارچ 2025کو پاکستان میں چاند کے نظر آنے کا امکان نہایت روشن ہےلہٰذا رمضان کے29دن مکمل ہونے کی توقع ہے اور عید الفطر کا پہلا دن31مارچ 2025 کو منایا جائے گا۔

 ترجمان سپارکو کے مطابق سعودی عرب اور مشرقِ وسطیٰ میں بھی شوال کا چاند 30 مارچ 2025 کو نظر آئے گا اور وہاں بھی عید الفطر 31 مارچ 2025 کو منائی جائے گی ،چاندکی رویت کا فیصلہ رؤیتِ ہلال کمیٹی کی ذمہ داری ہے لہٰذا مرکزی رؤیتِ ہلال کمیٹی ملک بھر سے موصول ہونے والی گواہیوں کا جائزہ لے کر شوال 1446 ہجری کا باقاعدہ اعلان کرے گی۔